Nongstoiñ, 8 Jymmang: Kum shi bynta ban pynsuk ïa ki paidbah ka thaiñ Nongstoiñ ha kaba ïadei bad ki jingtest ïa ki jingpang kiba laiphew jait kiba baroh shi katta ki paidbah ka thaiñ ki hap ban leit sha Shillong bad sha kiwei de ki jaka sha bar ka Jylla, ban phah test ïa ki jingpang, na ka liang jong u Dr. Andystar Syiemlieh, MBBS (RIMS), MD (AIIMS, Biochemestry) u la wanrah bad plie syndon da ka Lab lane ka Immaculate Diagnostic Care hapoh Nongstoiñ.
Kane ka Lab kadon hapoh ka Dong Themïew jong ka shnong New Nongstoiñ ha ka surok ban leit sha ka shnong Pyndengrei ha lad ban leit sha ka ophsi jong ka tnad PHE bad hapoh jong kane ka Lab lah don ki kor kiba bha kiba kynsai kiba katkum ka juk stad saïan kaba mynta ban test ïa ki jingpang jong ki briew bad lah ruh ban ïoh ïa ka report na kane hi ka Lab, ka ban pynsuk ia ki paidbah ba kim da donkam shuh ban leit shaduh sha Shillong bad sha jngai.
u Dr. Andystar Syiemlieh u ba dei peit ïa kane ka Lab u la ïathuh ba haduh mynta na katei ka Lab la lah ban leh ïa ji jingtest snam kiba haduh 48 jait bad kumjuh ban leh test ï aka umpynjhieh bad u la ong ruh ba un sa nangwanrah shuh shuh ïa ki tiar ban test sa ïa kiwei de ki jait jingpang katkum ka jingdawa bad jingdonkam bad u la ong ruh ba kador n aka bynta ka jingle test ka long kaba bit bad kotbor ïa baroh.
