Shillong, Lber 20 : Ka jingtrei borbah jong ka Green-Tech Foundation mynta u snem kan long da shisha ka khubor jingkyrmen ia u paitbah ka sor shillong bad khamtam eh ka khubor shaka sorkar ba lada don ka mon bad jingkithlieh yn ym don jingeh ban pyn kylla dur iaka Wah umkhrah bad ka Wah Umshyrpi ne ki wah ba jaboh hapoh ka Jylla watla lada kan shimpor ruh.
Bad ia kata lah ban sakhi bha hadien ka jingwan hap u slap mynta ka step jong ka 20th March, 2024, ia ka jing lang bad shah khang lynti jong ki jaboh bad ki nuit ka lah nang ishyrkhei kaba lehse ym duna iaki 50 tons ei ei. Ia ia kine ki jaboh ka foundation kan sa kit noh Shen.
Ka Green-Tech Foundation ka lah sdang bad dep ban pyni daki kam bad hiar hapoh Wah Umkhrah naduh ka 4th March, 2024, kata ha ki bynta ba sharum jong ka jingkieng Seng Khasi College da kaba buh daki ki ‘terminal point interceptor’ kynthup ia ki ‘Floating Barriers’ bad ki ‘Trash Plastic Wire Mesh’ ban khanglad iaka jingtuid jong ki nuit bad ki jaboh ban tuid sha pung umiam naduh.
Kum ban shu pynkynmaw ba hadien ba ka GTF ka lah buh ia ki tei ki Terminal Point Inceptors, ha ka 9th March, 2024 ka kynhun ka lah hiar ban kit ban tong noh da ki phew tons u nuit da kaba pyndonkam da ki lieng, ki tyngsong, bad kiwei kiwei ki tiar ban pyndonkam trei bad ber ruh da ki dawai khniang ban lait na kino kino ki jingma haba pynkhuid.
Ha 9th March 2024 ka GTF ka lah ioh ban kit Palat da ki 7 tons ki nuit kata tang hadien shi taiew ba lah ker kut ia ka jingtuid ki nuit bad ki jaboh.
