Shillong, Naiwieng, 30: Ka KTIEW EMS Trust ha ka sngi balang ka la aiti da ki tiar jingsumar ban pyndonkam ha Labour Room ïa ka Dr. H. Gordon Robert Hospital, Shillong khnang ba kane ka shlem ai jingsumar kaba la kynjoh ïa ka jingdap 100 snem kan nang lah ban pyntyllun ïa ki jingai jingshakri kiba kham bha sha ki paidbah ha ka liang ka Koit ka Khiah.
Ki tiar ai jingsumar ba la bei pisa da ka KTIEW EMS Trust UK (FCRA 2023-2024) kaba kot T. 35 lak ki kynthup ïa ka Cardiac Monitor bad ka Wall Mount, ka Cardio Toco Graphy CTG machine, ka Syringe Infusion Pump, ka Radiant Warmer, ka Eclamsia Bed, ka OT Bed na ka bynta OBGYN OT Room, ka Diatheremy machine, ka Cubicle Track System.
Ïa kine ki tiar la aiti da u Bah Michael Kharsyntiew ha ka jingïalang kaba la long ha ophis jong ka Governing Board ka Hospital ryngkat ka jingsakhi lang jong u Medical Superintendent u Dr. R. Nongrum, ka incharge Labour Room ka Sr. Tisralyne Reenbohn, Specialist Obstetrics and Gynecology ka Dr. Mercy Shylla, u Chairman ka Governing Board ka Hospital u Rev. SS Majaw, Sr. Medical Officer, Obstetrics and Gynecology Dr. E. Blah, u Hospital Chaplain u Rev. George W. Chen bad kiwei kiwei.
