Tura, Kyllalyngkot 19 : Ha ka jingiakhun table tennis jong ka lympung 5th Meghalaya Games, kaba la pynlong ha Indoor Stadium ha Hawakhana, ka East Khasi Hills bad ka West Garo Hills ki la ioh ban khur 3 bad 2 tylli ki takma ksiar.
Ha ka jingiakhun final kaba nyngkong jong ki shynrang, u Jeff AK Marak na West Garo Hills u la jop ia u Sandeep Kumar na East Khasi Hills da 4-1) ktba u Banehkupar Sancley na East Khasi Hills bad u Izhar G Momin na East Garo Hills ki hap ban iakhun na ka bynta ka takma rnong.
Na ka liang ki kynthei, ka Diva Tang na East Khasi Hills ka la pynliem ia ka Di Toomi V Ch Momin na West Garo Hills da 4-1 bad ioh khur ia ka takma ksiar katba ka Wanpyntngenlang Lyngdoh bad ka Badaaihun Deingdoh ki ioh khur ia ka takma rnong.
U Sandeep Kumar u la pynliem noh ia u Jeff Marak ha ka jingiakhun men’s doubles da kaba snohkti bad u Steppingstone Lyngdoh katba u Jeff Marak u snohkti bad u Izhar Momin.
U Paban Kanta Kanwar ryngkat u Pynlang Singh Sohtun bad u Labeeb F Ahmed bad u Banehkupar Sancley ki hap ban iakhun na ka bynta ka takma rnong.
Ha ka women’s doubles, ka Diva Tang ryngkat ka Wanpyntngenlang Lyngdoh ki la iakhun pyrshah ia ka Badaaihun Deingdoh bad Ilapynkmen Lyngdoh. Bad ki la jop da 3-1.
Ka jingiakhun khatduh ha ka mixed doubles ka long hapdeng u Jeff Marak ryngkat u Di Toomi V Ch Momin pyrshah ia u Sandeep Kumar bad u Diva Tang bad ha kane ka jingiakhun u Jeff bad u Di Toomi ki la jop da 3-1.
Ia ka takma rnong la ioh khur da u Steppingstone Lyngdoh bad u Wanpyntngenlang Lyngdoh ryngkat u Izhar G Momin bad u Chuanna M Marak.
