Tura, K’lyngkot 19: Ka jingialehkai Wushu ha ka lympung ialehkai 5th Meghalaya Games, 2024 ka la poi noh sha kaba kut ha ka sngi Palei jong ka taiew.
Ha kaba kut jong kane ka jingialehkai, ka kynhun jong ka East Khasi Hills ka la lah ban bat ia ka kyrdan kaba halor duh ha ka miej khur takma, hadien ba kane ka kynhun ka la lah ban kur haduh 10 tylli ki takma ksiar, 5 tylli ki takma Rupa bad 3 tylli ki takma Rnong.
Ka district kaba wan ha ka kyrdan kaba ar dei ka Ri-Bhoi District kaba la lah ban khur 5 tylli ki takma ksiar bad 2 tylli ki takma Rnong, katba ka District kaba la wan ha ka kyrdan kaba lai ka dei Noth Garo Hills kaba la ioh ba kan khur 2 tylli ki takma ksiar, 4 tylli ki takma Rupa bad 1 ka takma Rnong.
Ki bor ba dei khmih, ki ñiew bad shim ba ka jingialehkai Wushu ha kane ka lympung ka kren shai kdar ia ka jingsdang ban suthied bha ha kane ka jylla. Ka dawbah kaba la pynlong ia ki ban kren kumne ka long ba lada khmih bha ia ka jingioh ban khur takma, la lap bad shem ba nalor kitei ki lai tylli ki district kiba la kdew haneng, kiwei kiwei ruh ki samla ba la wan iashim bynta na kiwei pat ruh ki district kim shym la leit phai thylli sha la iing namarba la don ki rang bad ki thei ialehkai kiba la ioh ban khur ia ki takma.
