Shillong, ïaïong, 04: Katba ki sngi ki la nang jan ban jied nongmihkhmat sha Parliament na Shillong bad Tura Seat, ka tnat Election jong ka Jylla Meghalaya ka la pynsdang ia ka jingthep vote ia ki tymmen ki kro ha la ing ha North Garo Hills District kaba la sdang naduh ka sngi Palei bad ka ban bteng haduh ka 8 tarik mynta u bnai.
Katkum u kyrwoh ba la phah da ka tnat Election, ka jingthep vote jong ki tymmen ki kro ha Amlarem Assembly Segment kan sdang naduh ka 12 tarik mynta u bnai bad la thmu ban pyndep haduh ka 13 tarik mynta u bnai.
Ka jingthep vote na ka bynta ki Absentee Voter hapoh ka South Garo Hills la buh sngi ha ka 12 bad 13 tarik mynta u bnai.
Ha Ri Bhoi la buh sngi ha ka 8 tarik mynta u bnai. Ka jingthep vote ki Absentee Voter hapoh ka South West Garo Hills la buh sngi ba kan long naduh ka 6 tarik haduh ka 8 tarik mynta u bnai.
Ka jingthep vote ha la ing ia ki Absentee Voter ha East Garo Hills kan long ha ka 12 tarik bad 13 tarik mynta u bnai.
Ka jingthep vote ha la ing na ka bynta ka West Garo Hills la buh sngi ha ka 8 tarik bad 9 tarik mynta u bnai.
