Shillong, Jylliew, 18: Ki Pulit ka Special Cell jong ka East Khasi Hills District kiba la ïoh ïa ka jingtip kaba bniah na ki tnat syntiat ha ka por janmiet sngi Baar ki la ïohbat ïa kawei ka taksi kamai ha IGP Point, Shillong ha ka por kumba 5:00 baje.
Na kane ka taksi kamai ki Pulit ki la ïohkem ïa kawei ka kynthei bar jylla kaba rah haduh 1,776 tylli ki dawai kuli Yaba ba la ñiew ba ki dei ki jingdih pynbuaid kiba long be-aiñ.
Hadien ka jingtohkit ba malu mala, ki Pulit ki la pyllait noh ïa ka kali bad ïa u nongñiah kali kamai u bym don kti eiei.
Kane ka kynthei bar jylla ka la phla ba ka la kiew da kane ka kali kamai najan ka khyrdop jong ka Shillong Civil Hospital da ka jingthmu ban hiar ha Khyndai Lad.
Ki Pulit ki la pynlong ïa ka jingtohkit kaba bniah bad pynngat hapoh ki kyndon jong ka NDPS Act.
