Shillong, Iaiong, 02: Ki nongialam jong ka Hynniewtrep National Youth Front(HNYF) ER hapoh ka jing ia lam u samla Pynbiang Rymbai ki la leit ban ai da ka dorkhas hakhmat u Superintendent of Police ka West Jaintia Hills Bah C.Syrti halor ka ka jingshah pyniap dusmon jong u samla Kyrshandame Talang uba sah ha ka shnong Mupliang.
Kum ban shu pynkynmaw hangne, u samla Kyrshandame Talang la shah pyniap ha ka 10 trik Lber ha khappud ka shnong Mukhla,Myrjai bad ia ka met jong u la lap ha ka jaka kaba tip kum ka Moosdai bad ia kane la leh da ki riewthrang snam ki bym pat ioh kem haduh mynta mynne.
Kine ki nongialam ka seng ki la pyntip ba u SP u la iathuh ba ki Pulit ki dang pynlong ia ka jingtohkit ban lap ksai ia kiba donkti ban pyniap ia u ne u samla.
Ka Seng ka kyrpad jur ia u SP ban shimkhia ia kane ka kam khnang ba kum kine ki jait jingjia kin ym jia shuh hadien habud bad ka seng ruh ka pynrem jur ia ki riewthrang snam kiba dkhat jubor ia ka jingim u samla Kyrshandame.
