Shillong, Risaw 28: U Deputy Chief Minister, Karnataka u D.K. Shivakumar ha ka sngi thohdieng u la pdiang sngewbha ia u Bah Paul Lyndoh uba long u Myntri jong ka tnat Jngohkai Pyrthei bad Social Welfare ka Sorkar Meghalaya ha ka ophis treikam bad iakren ruh katto katne ki mat kiba iadei bad ki jingeh jong ka thaiñ bad ka ri.
Ka jingiakren hapdeng u DK Shivakumar bad u Bah Paul Lyngdoh ka long ruh halor ka jingiadei hapdeng ki nongialam na kylleng ki thaiñ jong ka ri India. Kum kane ka jingiakynduh kan pynkhlaiñ ia ka jingiatreilang bad kan wanrah ia ka jingiasngewthuh jingmut, bad ban sngewthuh ia ka jingeh ba ka ri ka la mad.
Kine ki arngut ki la iasyllok ruh ban noh synñiang sha u sup u thiar na ka bynta ka bha ka miat jong ka jylla kaba ki mihkhmat bad ia ka jingdonkam ban kyntiew shaphrang ia ka ri.
Kum kine ki jingiakynduh hapdeng ki nongialam kan plie lynti na ka bynta ban iasam jingtip, bad ban pyntyllun shakhmat ia kino kino ki jingthmu. Kan pynkhlaiñ ruh ia ka jingiatylli bad ka jingiatreilang ka ban tehsong ia ki thaiñ bapher bapher jong ka ri India.
Ka jingiakynduh hapdeng u DK Shivakumar bad u Bah Paul Lyngdoh kan wanrah ia ka jingiajan hapdeng ki jylla bad kan pynpaw ruh ia ka mynsiem ialong kawei wat hapdeng ki jingiapher kiba bun bad ban iatreilang ryngkat ryngkat na ka bynta ka jingbha.
