Shillong, Nailur 13: Ki Pulit ka Anti Narcotic Task Force (ANTF), East Khasi Hills da ka jingïarap jong ki nongkitkam shnong ka Umpling ha ka sngi baar ki la ïohkem ïa ki arngut ki snar khaii drok ïa kiba la tip kyrteng kum u Wantei Manbha Lyngdoh, 24 snem ka rta bad u Freddy Bantei Dhar 29 snem ka rta.
Ha u kyrwoh ba la phah da u Superintendent of Police, East Khasi Hills, Shillong u Bah S. Nongtnger u la ïathuh, ha ka jingtalasi ïa kine ki arngut ryngkat ka jingsakhi lang jong ki nongsakhi, ki Pulit ki la ïoh kurup 1.13 gram u u drok Heroin, 417 tylli ki tyndong thylli, 39 tylli ki thyrnia injekshon bym pat pyndonkam, ar tylli ki mobile phone, kawei ka kali Tata Intra Pick-up kaba don ïa u nombar ML 05 Z 9479.
Ki Pulit ki la register case ha Rynjah Police Station hapoh ka Section 21(a)/27(a) jong ka NDPS Act.
