Shillong, Jymmang 01: Ka ophis District Child Protection Officer, District Child Protection Unit, East Khasi Hills ka la pyntip ba iwei i khun kynthei ba dang shu kha la lap ba ila shah ieh ha kawei ka dukan die kawai dong kaba hajan ka Civil Hospital, Shillong ha ka por kumba 5:30 baje mynstep. Ïa itei i khyllung ila don mynta hapoh ka jingri jingsumar bad ka jingïada jong ka Lawei Baphyrnai, Specialised Adoption Agency, Shillong.
Kino kino ki briew, ne ki bahaïing kiba don jingtip shaphang jong itei i khyllung ba la kdew haneng ki lah ban phone ha ka ophis Office jong ka District Child Protection Unit, East Khasi Hills ha u nombar 0364-7962188 ne Office jong ka Child Welfare Committee, East Khasi Hills ha u nombar 0364-7962188 ne Lawei Baphyrnai Specialised Adoption Agency, Lumsohphoh, East Khasi Hills ha u nombar 9612168593 hapoh ki 60 sngi naduh ka tarik ba la pynmih ïa kane ka jingpynbna bad lada ym don kiba wan, ïa ine i khyllung yn ailad noh ban ting kaba long katkum ka aiñ.
