Shillong, Nailar, 17: Ar ngut ki Pulit jong ka Meghalaya Civil Defence & Home Guards Organisation kiba kynthup ïa u Bah Ram Charles Lamare, u Havildar na ka Central Traning Institute, Civil Defence & Home Guards, Mawdiangdiang, Shillong bad u Prafulla Basumatary u Havildar jong ka Bording Wing Home Guards, Battalion, Mawdiangdiang, Shillong ki la shah pynkup burom da ka khusnam Home Guards & Civil Defence ha ka jingrakhe ïa ka sngi laitluid kaba 78 snem jong ka ri India kaba la long ha ka 15 tarik mynta u bnai.
Ha kane kajuh ka sngi, ar ngut ki Ophisar ba kynthup ïa u Joint Director jong ka Civil Defence, Meghalaya u M.K Sangma bad u Joint Commandant General ka Home Guards, Meghalaya u Bah RP Khongwar ki la shah pynkup burom da ka syrnot Director General, Civil Defence and Home Guards, Disc & Commendation Certificate.
