Shillong, K’lyngkot, 25: Ka long ka jingsarong ïa ka jylla Meghalaya naba u Bah Alexander Laloo Hek uba long u Myntri ka Sorkar Jylla uba peit ïa ka tnat Animal Husbandry and Veterinary u la shah pynkup burom da ka khusnam Dadasaheb Phalke ba la aiti da u Myntri Khynnah ka Sorkar Pdeng uba peit ïa ka tnat social justice u Ramdas Athawale ha ka ka jingïalang kaba la long ha NDMC Auditorium, Jantar Mantar, New Delhi ha ryngkat ka jingsakhi lang jong ki heh ki haiñ bad ki kynrem ki lyndan na kylleng ka ri India.
U Bah Hek u la shah pynkup burom da kane ka khusnam kum u Myntri Sorkar ba tbit bad kum u nong shakri paidbah ba khlem shongthait na ki 25 tylli ki snem kiba u la long u nongmihkhmat jong ka Pynthorumkhrah Constituency bad nalor u synniang u bynhei ba u la noh sha ka jylla bad ka ri baroh kawei.
Ka BJP Meghalaya Pradesh u ha u kyrwoh khubor ba la phah da u Chief Spokesperson u Bah Mariahom Kharkrang u la ïathuh ba u Bah Hek u la pynpaw ba ka jingshah jied ban ïoh pdiang ïa kane ka khusnam ka la pynkmen bad ka la nang aibor shuh shuh ïa u ban trei shitom na ka bynta ka bha ka miat jong ka jylla bad ka ri baroh kawei.
