Shillong, Nohprah, 20 : Ka Meghalaya Body Building and Fitness Federation ka la phah ia u kyrwoh ai khublei sha ki nongjop kiba la mihkhmat ia ka Association sha ka World Fitness Federation Mr. and Ms. India 2023 kaba la long ha nongbah Jaipur, Rajasthan naduh ka 15 tarik haduh ka 17 tarik, Nohprah, 2023.
Ha kane ka rynsan iakop pyni dohksah ba la pynlong da ka World Fitness Federation (WFF) Rajasthan ka samla Whitney Maqueen Lyngdoh Mawphlang kaba la long ka lahduh ha ka Women’s Sports Model Category bad ioh khur takma rupa ha ka Bikini Model Category, katba ka samla Sawakani Lakiang ka la ioh khur ia ka takma rupa ha ka Women’s Sports Model Category bad ia ka takma rnong ha ka Bikini Model Cateory.
Ha ka liang jong ki shynrang, u Vivian Pajuh u la ioh khur ia ka takma rupa ha ka Men’s Bermuda Beach Model Short category, u Ebenesar Khongsit u la ioh khur ia ka takma rnong ha ka Men’s Body Building Fitness Category, u Wanraplang Thubru u la ioh khur ia ka takma rnong ha ka Men’s Body Building Super Body Category, u Pyndapbor Dkhat u la ioh khur ia ka takma rnong ha ka Men’s Body Building Junior Category, u BadonKupar Kharbhih u la ioh rung ha ka kyrdan bahynriew ha ka Men’s Body Building Athletic Category lem bad u Lalremmawia Sangma.
