Shillong Rymphang, 26: U Dikseng A. Sangma ha ka 18 tarik u Rymphang, 2024 u la ujor sha ki Pulit jong ka Women Police Station, Tura, West Garo Hills ban pyntip halor ka jingjah rngai jong ka kurim jong u ka Noring Ch. Marak kaba la 32 snem ka rta bad ki arngut ki khun shynrang kiba la tip kyrteng kum u Salgado .Ch Marak uba dang 9 snem ka rta bad u Algarik Ch. Marak uba dang 7 snem ka rta kiba shong basah ha ka shnong Soragre, Edenbari, Tura West Garo Hills District.
Katkum kane ka ejahar u Dikseng A. Sangma u la iathuh ba ka kurim jong u bad ki arngut ki khun shynrang ki la leit sha iew Tura ha ka 17 tarik u Rymphang, 2024 hynrei kim shym la wan phai shuh sha la iing naduh kane ka sngi. U Dikseng A. Sangma u la kyrpad ia kino kino kiba iohi ia kine ki lai ngut kin pyntip lyngba u number 84719 48197.
