Shillong, ïaïong, 01: Bun tylli ki ïing briew ha ka thaiñ Ri Muliang, West Khasi Hills District ki la julor na ka jingsyllad jong ka erlangthari ha ka sngi u Blei bad ki shnong kiba la shah ktah ki kynthup ïa ka shnong Langpih, ka shnong Tynghor, ka shnong Umyiap bad kiwei kiwei de ki shnong kiba marjan ha kane ka thaiñ.
Ka erlangthari kaba la wan ryngkat bad u slap kaba la neh kumba katto katne kynta ka la lied naphang ia ki tin sop ing bad jynrat ruh ia ki dieng ki siej bad ïa ki nar post ilektrik.
Ha kane ka jingjia, ki la don ruh katto katne ngut ki briew kiba la mynsaw bad kat haduh ba la pynmih ia kane ka khubor ym pat lah ban ioh jingkhein ia ki briew kiba la mynsaw.
