Shillong, Jylliew, 07: Kum shi bynta ka jingrakhe ïa ka World Food Safety Day kaba hap ha ka 7 tarik, Jyliew, 2025 ki nongïalam bad ki dkhot jong ka Jaintia National Council, Khliehriat Circle ki la leit ban khynra ïa ki dukan bad ki hotel kumjuh ruh ïa ki resturant kiba hap hapoh u pud u sam jong ka shnong Khliehriat ban bishar bniah ha kaba ïadei bad ka jingkhuid jingsuba ha ka bam ka dih ba la die sha ki paidbah.
Ha kane ka jingkhynra, ka seng hapoh ka jingïalam jong u General Secretary u Bah Symboh Baïar Sumer ka la lap ïa ka jinglehsih ha ki katto katne ki dukan bad ki hotel ha Khliehriat.
Ki nongïalam jong ka seng ki la maham ïa ki trai dukan ba kin long kiba leh khuid ïa ka bam ka dih shwa ban die sha ki paidbah khamtam sha ki khynnah skul kiba ju rung bad mih manla ka sngi ha kine ki dukan.
Ka seng ka la kyrpad ruh ïa ka tnat Food Safety ban peitngor ïa kine ki dukan, ki Hotel bad ki Restaurant khnang ban ïada ïa ka jingim jong ki paidbah.
