Shillong, Nailur, 07: Ka sorkar jylla ha ka sngi Thohdieng ka la mynjur ban thung ïa ka MP barim ka Tura ka Agatha Sangma kaba dei ruh ka para kynthei jong u Myntri Rangbah ka Jylla u Conrad Sangma kum ka Chairperson jong ka Meghalaya State Commission for Protection of Child Rights.
Ka Sorkar Jylla kam pat pynmih satia ïa ka jingpynbna ba la rai da ka Kynhun Myntri ban thung ïa ka Agatha Sangma kum ka Chairperson.
Ka tyllong khubor ka ïathuh ba ka Sorkar ka la thung ruh ïa ki dkhot jong kane ka Commission.
Ym kumba ju long ha ki por ba ladep, hynrei ha kane ka kynti ka Sorkar kam shym la pyntip satia lyngba ki lad pathai khubor halor ka jingpynlong ïa ka jingïalang kynhun myntri halor ka jingthungkam ïa ka Agatha Sangma.
Ka tyllong khubor ka ïathuh ba ka jingbym kwah jong ka Sorkar ban pynbna paidbah ka long ban lait na ki jingshah kynthoh namarba ka jingthung kam ïa ka Agatha ka dei ka Political Appointment.
