Shillong, Risaw 15: Ka samla Chivalry Lartang ka la long ka lahduh ban ioh phong ia ka pansngiat Miss Shillong, 2023 katba ka Genevieve Pala ka la ioh phong ia ka pansngiat lahduh ha ka rynsan jingiakob Miss Super Mom 2023 ba la pynlong da ka Fashion Society Shillong, kaba rakhe ruh ia ka jingiaid lynti kaba 40 snem.l
Ka samla Rachel Rimeiaka Jyrwa ka la jop ia ka kyrdan kaba ar bad ka samla Rebecca Nongkhlaw ka la jop ia ka kyrdan kaba lai ha kane ka rynsan iakob Miss Shillong, 2023.
Katba ka Jessica Nongkynrih ka la jop ia ka kyrdan kaba ar bad kaMary Saleen Lyngdoh Mawphlang ka la jop ia ka kyrdan kaba lai ha ka jingiakob Miss Super Mom 2023.
Ki nongbishar ha kane ka rynsan iakob ki long ka Wanisha Lyngdoh, u Batista C Lyngdoh, u Bah Fedrick R. Kharkangor bad ka Kong Evarihun Warjri.
Ia ka khusnam sha ki nongjop ia ka jingiakob Miss Shillong, Miss Super Mom bad Subtitle Winners la bei da u MDC jong ka Sohryngkham Constituency u Bah Pyniaid Sing Syiem, katba ia ki jingai sngewbha sha ki nongjop ha ka jingiakob Miss Shillong la bei da ka Rap’s Departmental Store, ka Saree Palace bad ka Haute Lingerie.
Ka Chivalry Lartang kaba la long ka lahduh ha ka Miss Shillong ka la ioh khur ia ka song pisa kaba T.1,00,000, ka Rachel Rimeiaka Jyrwa ka la ioh khur T. 75,000 bad ka Rebecca Nongkhlaw ka la ioh khur T. 50.000
Ka Genevieve Pala kaba la long ka lahduh ha ka Winner of Miss Super Mom ka la ioh khur ia ka song pisa kaba T. 50,000, ka Jessica Nongkynrih ka la ioh khur T. 30,000, ka Mary Saleen Lyngdoh Mawphlang ka la ioh khur 20,000.
Baroh ki nongjop kiba la ioh ia ka nam subtitle ki la ioh pdiang mar T. 5000 hajar.
Ia ka nam Miss Beautiful Skin la ioh rah da ka Rachel Jyrwa, Miss Beautiful Hair da ka Rimika Dkhar, Miss Beautiful Eyes la ioh da ka Rebecca Nongkhlaw, Miss Beautiful Smile da ka Kelly Marriane Nongbri, Miss Catwalk da ka Cafilia Namika Sylliang.
