Shillong, Naitung, 23: Ka Joint Directorate Quality Committee bad ka Quality & Patient Safety Division ha ka sngi Baar ka la pynkup burom ia ki shlem ai jingsumar bapher bapher jong ka Sorkar kiba la noh ia u synniang u bynhei sha u sup u thiar ban pynbiang ia ki lad jingsumar kiba kham bha sha ki paidbah nongshong shnong.
Ha kane ka sngi, ka Ganesh Das Government Maternal and Child Health Hospital ka la ioh pdiang ia ka LaQshya Certification na ka bynta ka Operation Theater ka jong ka bad ka la ioh pdiang ruh ia ka khusnam kum ka jaka sumar ba paka tam jong ka district. Katto katne ki jaka sumar ba kynthup ia ki Primary Health Centre bad ki Community Health Centre ki la ioh pdiang ia ka khusnam Kayakalp Award na ka bynta ki jingshakri bapaka ia ki paidbah nongshong shnong jong ka jylla.
Ha kane jingsam ia ki khusnam la sakhi lang da ka Myntri kaba khmih ia ka tnat Koit ka Khiah ka Dr. Ampareen Lyngdoh kaba la long kum ka Kongsan ryngkat ka jingskahi lang jong u Commissioner bad Secretary ka tnad ka koit ka khiah u Dr. Joram Beda bad kiwei kiwei.
