Tura, Kyllalyngkot 18 : Ban pynim bad ban ri kyndong ia ki jingriewspah ka kolshor ki jaitbynriew ka jylla, ka sorkar Meghalaya ha ka sien nyngkong eh, ka la wanrah ia ki jinglehkai tynrai kum ka Rah Moo Khrah, Mawpoiñ bad Wa.Pong Sika ha ka 5th Meghalaya Games 2024. Ia kine ki jinglehkai tynrai la pynlong ha Don Bosco School, Tura. Kine ki jinglehkai ki iarap ban pyniar bad ban tip kham bha ia ki kolshor na ka bynta ki pateng jong ki Khasi, Garo bad Jaintia.
Ka Rah Moo Khrah, ka jinglehkai tynrai na Jaintia Hills kadei ka jinglehkai ha kba ki nongshim bynta ki rah ia u maw ba pyllun ba khia naduh 24.4 kg haduh 138.10 Kg. U Da Oo Hi Dhar na West Jaintia Hills u la long u lahduh bad u la ioh Ia ka nam “Ki Mar” bad khur syndon ia ka takma ksiar. Katkum ka jingkheiñ ki mynbarim, ia kino kino kiba lah ban rah ia kine ki maw ba khia shaduh bakut, la kheiñ ia ki kum kingest man, bad kiba khlaiñ tam bad u Da Oo Hi Dhar lived up to the expectations. U Me-U-Ru Suna na West Jaintia Hills u la poi ha ka kyrdan kaba ar bad u Vincent Bareh na East Khasi Hills u la wan ha ka kyrdan kaba lai.
Ha ka Wa.Pong Sika, la tip ia ka kum ka jinglehkai ba pawnam ki jaitbynriew Garo, ka pynkynmaw ia ki riewkhraw kum u Dikki Bandi, Gilsang Dalbot bad u Togan Nengminja Sangma. Ki arngut ki nonglehkai ki bat ia uwei u siej ba jrong 6 phut bad ki ialeh ban tan ne ban niat iwei ia iwei katba rem. U namtam ha kane ka jinglehkai u long u Pangrak R Marak na West Garo Hills katba arngut ki ranglehkai na West Jaintia Hills ki la ioh ha ka kyrdan ba ar bad balai.
Ha ka jinglehkai Mawpoiñ, ka jinglehkai kaba kawei pa kawei ka longiing ha ri lum Khasi ki ju mih ban lehkai da kaba pynieng ia ki maw rit ban pynrem ia kawei pat ka kynhun. Ha kane ka jinglehkai, ka kynhun na East Khasi Hills ka la khur ia ka jingjop na ka liang ki kynthei bad shynrang. Ki rang bad ki thei ialehkai na West Garo Hills ki la ioh khur ia ka namjop kaba ar katba ki rang bad ki thei ialehkai ka West Jaintia Hills ki la ioh khur ia ka namjop kaba lai.
U myntri ka sorkar jylla ba dei khmih ia ka tnad Sports & Youth Affairs, u bah Shakliar Warjri, u la ong”, “Ngi shim ia ka rai ban wanrah ia kine ki jinglehkai ban pynim bad ban ri kyndong ia ki jingriewspah ka kolshor ki jaitbynriew ka jylla, ban ai mynsiem ia ki samla bad ban pynsngewthuh ia ka jingkordor kiba ki mynbarim ki la ai.”
