Shillong, Jymmang, 26: Ka dei ka sien banyngkong ba ka skul na ka thaiñ Sawsymper ka la lah ban pynmih ia ki khynnah skul ki ban ioh rung hapoh ka Top 20 jong ka result Secondary School Leaving Certificate ba la pynbna da ka Meghalaya Board of School Education ha ka sngi Thohdieng.
Kane ka khynnah ka dei kaba la tip kyrteng kum ka Jessica Marwein kaba pule ha ka pule ha S. Ferrendo Secondary School, Sawsymper bad kaba la ioh rung ha ka kyrdan ba Top 20, kaba dei ka khun jong u Bah Arbiros Lyngdoh bad ka Kong Daiahun Marwein na ka shnong Kmawanrum.
Ha kane ka sngi, na ka liang jong ka KSU Sawsymper Circle hapoh la jingialam jong u President u samla Belingstar Lyngkhoi ryngkat ka jingiadon lang jong u General Secretary ka KSU South West Khasi Hills District u samla Jiedskhem Nongsiej bad kiwei kiwei ki dkhot ka seng ki la leit jngoh ia kane ka skul ban ai khublei ia ki nonghikai bad ban ai mynsiem ruh ia kane ka khynnah kaba la kynjoh sha kane ka kyrdan watla ka la mih na ka skul ba kham kyndong.
Ha kajuh ka por ka seng ka phah ia u kyrwoh ai mynsiem ia kiwei ruh ki khynnah skul jong ka đồng ka thain ba ki dei ban trei shitom namarba ym don kaei kaei ka bym lah lada ki don shisha ia ka mynsiem iakhun, ka jingminot bad ka jingtrei shitom.
