Shillong, Risaw, 13: Ki paidbah nongleit nongwan ha ka step sngi u Blei ki la her mynsiem ban sakhi ia ka jingkem ding kynsan ha OB Shopping Mall ha Khyndailad, Shillong. Katkum ka jingiathuh jong ki briew ba la sakhi, ki ong, la antad ba kane ka jingkem ding ka la jia ha ka por 5:45 baje eiei mynstep.
Ka thymmei khubor ka ïathuh, la suba ba kane ka jingkem ding ka lah ban dei na kawei ka kamra ha ka hotel ba hajan kaba don ha ka mala ba hajrong jong ka Mall bad la suba ba ka lah ban dei na ka ka jingthut ka bording.
Ïa ki thylliej ding barhem la lah ban tem biang por da ka jingwan kloi jong ki kali pynlip ding ka tnat Fire and Emergency Services bad ki nongtrei jong hotel.
Halor kane ka jingjia ki Pulit ki dang pynlong ka jingtohkit ban lap ïa ka daw tynrai.
