Shillong, Nailur, 27: Ki Pulit jong ka Laitumkhrah Police Station ha ka sngi Thohdieng ki la kem ïa uwei snar nongtuh uba shyrkhei ïa uba la tip kyrteng kum u Shanbor Wahlang ïa uba la ju khot sin kum u Moochland.
Ha u kyrwoh ba la phah da u Superintendent of Police ka East Khasi Hills u Bah S. Nongtnger la ïathuh ba u Shanbor Wahlang u dei u briew uba la suba donkti hakhmat eh ha ki kam tuh kam thiem ha nongbah Shillong naduh u snem 2022.
U SP la pyntip ba une u snar nongtuh u dei uba ki Pulit ki la thwet tyngeh halor ki saw tylli ki Case ba la register hapoh Shillong Sadar Police Station.
“Ki kam kam tuh kam thiem jong u ki la pynrit mynsiem bha ïa ki paidbah bad ka jingïohkem ïa u ka la long kum u mawjam ban tem ïa ka jingkynrei ki kam tuh kam thiem,” ong u SP.
Ka jingtohkit ïa une u snar nongtuh ka la ïaid shakhmat halor ka jingdonkti jong u ha ki kam tuh kam thiem.
