Shillong, Nailar, 23: U Myntri Rangbah ka Jylla u Conrad Kongkal Sangma u la kem pang bad kiew kynsan ka jingshit met ha ka sngi Thohdieng.
Katkum u kyrwoh ba la phah da u Commissioner and Secretary jong ka tnat IP&R u Vijay Kumar Mantri u la pyntip ïa u Myntri Rangbah la sumar shwa ha iingsah jong u. Hynrei hadien ba la test ïa ka snam la lap ba u don ïa ka jingpang Scrub Typhus bad Typhoid.
Mar mar la pynkit ïa u Myntri Rangbah sha Civil Hospital, Shillong namar ka jingkiew kynsan ka jingpang shitmet.
Ïa ka koit ka khiah jong u Myntri Rangbah la peitngor da ki Senior Specialists jong ka Civil Hospital.
Watla u dang don ïa ki dak kiba jur jong kane ka jingpang na ka jingkylla ka suiñ bneng, hynrei ka jinglong jingman jong ka met ka biang bad la sumar ïa u hapoh ka jingpeit bniah kaba manla ka kynta.
