Shillong, Jylliew, 21: Ka Sorkar Meghalaya ha 12 tarik mynta u bnai ka la pynmih ia ka jingpynbna kaba la pyntip ba kito kiba la kynjoh ia ka rta kaba la 70 snem shajrong kin ym lah shuh ban dang iohkam bad ban shah thungkam biang ha ki tnat treikam jong ka Sorkar Jylla khnang ban pynryntih ia ka cut-off age lada don kano kano ka jingaikam lane ka jingthungkam sa shisien pat.
“Baroh ki Departments/Agencies jong ka Sorkar Jylla kum ki Society, Corporation kiba don ia ki briew kiba la shah thungkam ne ia kiba la thungkam biang bad kiba la palat 70 snem ka rta dei ban weng noh mardor,” la ong ka jingpynbna ba la pynmih da u Chief Secretary ka Jylla u Bah D.P Wahlang.
