Shillong, Jymmang, 13: Wat hadien hadien shi taiew ba u Bah Kerlang Sohtun, 47 snem ka rta uba shong basah ha Lumshatsngi ha lyndet jong ka Sankardev College, Shillong u la jah na la iing naduh ka 5 tarik, Jymmang, 2024 hynrei haduh kane ka kynti ym shym pat la lap ksai satia ia une u rangbah.
Ki bahaiing hasem ha ka Lah Sngi u Blei ki la pan jingiarap na ka kynhun Search and Rescue Team (SRT) ka tnat Fire and Emergency Services ban wad ia u Bah Kyrmen bad kane ka kynhun lem bad ki Pulit ki la sdang ban wad naduh ka por 9:00 baje mynstep hynrei haduh kane ka kynti ym shym pat la lap satia.
Katkum ka jingiathuh jong ki bahaiing, la ong ba u Bah Kerlang Sohtun u khun jong ka Kong Medency Sohtun la iohi khatduh ia u ha Last Stop, Laban.
Ka kynhun SRT ka la sdang ia ka jingwad bniah naduh ka thain Last Stop haduh sha jingkieng Umshyrpi ter ter ia ka wah kaba don ha Maxwell Estate ha ryngkat bad ki pulit bad haduh ba thoh ia kane ka khubor ym shym la iohi dak eiei ban lap ia une u rangbah.
