1. U Shri Uttam Patra uba na NEIGRHIMS Mawdiangdiang , Shillong u la ujor sha ki pulit ba ha ka 24 tarik u Jymmang ha ka por 10 baje mynstep , ki Copper Pipes kiba shongdor T.1,60,000 tyngka ki la shah tuh na ka jaka trei jong u.
2. Ka kong Angelica Lyngdoh Mawphlang ka la ujor sha ki pulit ba ha ka 20 tarik u Jymmang , ki runar ki la tuh ia ka shaka na ka kali jong ka kaba don ia u nombar ML -05Q 1016 kaba ka pynieng ha Umphyrnai , Lad Smit, Shillong.
3. Ka Kong Riba Solonica Kharpran ka la ujor ejahar ha ki pulit ba ha miet 7 ne 8 tarik u Jymmang, ki runar ki la prongtuh ha ka dukan jong ka ha ka shnong Mawlali bad ki la tuh ia ki mar kiba shongdor kumba 7 lak tyngka eiei.
4. U Ashok Das u la ujor sha ki pulit ba ha ka janmiet jong ka 21 tarik u Jymmang, ki runar ki la rong tuh ia ka Dumper trok jong u kaba don ia u nombar ML-05S 4141 na Bholaganj , Majai.
5. U Donbok Myria u la ujor sha ki pulit ba ha ka 22 tarik u Jymmang , ki runar ki la tuh ia ki tiar kali na ka Dumper trok jong u kaba don ha ka shnong Ialong , West Jaintia hills.
6. Ka Reliza Begum ka la ujor sha ki pulit ba ha ka 8 tarik u Jymmang , ki runar ki la prongtuh ha iing sah jong ka kaba don ha Newalgre ( WGH) bad ki la rong tuh ia ka sohshkor ksiar, ar tylli ki sati ksiar bad ka pisa T.7000 tyngka.
