Shillong, Ïaiong, 07: U Director General of Police (DGP), ka Jylla u Dr. L. R Bishnoi u la iaroh ia ka jingtrei shitom jong ki Pulit ka East Khasi Hills halor ka jingiohkem ia ki nongkhaii drok ha nongbah Shillong.
Ha kane ka jingkhynra, ki bor Pulit ki la ioh kem saw ngut ki snar khaii drok bad ioh kurup ruh ia u drok uba shongdor T. 1 klur ryngkat bad ka pisa kaba T. 45,000 hajar.
Haba pynpaw ia ka jingsngewkhia halor ka jingma kaba ap ia ki samla na ka jingkharoi jong ki nongkhaii drok, u DGP u la pynrem ruh ia ki snar khaii drok kiba pynap shang khawiah ia ki samla ban im kyrni ha ka jingdih ia u drok. U la iaroh ia ka jingtrei shitom miet la bad sngi ban khynra ia kine ki nongleh kam bymman bad kular ruh ban pyndkut ia ka jingkhaii drok sha kane ka jylla Meghalaya.
U DGP u la ong ba ka jingioh kurup ia une u drok uba shongdor T.1 klur ka pynpaw shai ba ka jingpynrung ia u drok sha kane ka jylla ka long kaba shyrkhei bha.
