Shillong, Risaw, 14: Ka lympung ialehkai 3rd Men’s Doubles Open to All Badminton Tournament 2024 ba la pynlong da ka Seng Samla Lower Lumparing naduh ka 10 tarik haduh ka 12 tarik, Risaw, 2024 kum ka jingpynsah kynmaw ia u nongialam barim u Bah Nangremdor S Khongwir ka la poi noh sha kaba kut ha kaba ki don 40 jur ki nongialehkai.
Ka kynhun jong u Mebanker Shullai bad Deilang Nongpluh ka la long ka kynhun ban ïohrah ia ka nam lahduh ha kajingiakhun phainal pyrshah ia ka kynhun jong u Ragui bad T. Rema.
Ka kynhun jong u Mebanker Shullai bad Deilang Nongpluh ka la long ka kynhun ban ïohrah ia ka nam lahduh ka la ïoh khur ia ka song pisa kaba 13,000 hajar bad ka kynhun u Ragui bad T. Rema kaba la wan baar ka la ïoh khur ia khusnam pisa kaba 7,000 hajar tyngka.
Ha kane ka sngi, la sakhi da u Rangbah Shnong jong ka shnong Lower Lumparing u Bah D. Shabong uba la long kum u kongsan bad u Secretary jong ka Meghalaya State Badminton Association u Rajesh Kamal, kum u symbud Kongsan.
