Shillong, Jymmang 8: Ka Election Committee jong ka Khasi Students’ Union ka la pynbna ba kan pynlong ïa ka General Election kaba 16 jong ka seng lashai ka sngi, ka 09 tarik u Jymmang 2026, ban jied ïa ki nongkitkam bathymmai jong ka Central Executive Council na ka bynta ka samoi treikam 2026-2029.
Katkum ka kyrwoh ba la pyllait paidbah da ka Election Committee, ka jingïathep vote kan sdang naduh ka por 8 baje mynstep haduh 3 baje nohphai sngi. Hadien kane, yn sdang ruh ban ñiew ïa ki votes bad yn pynbna paidbah ïa ka result lashai hi.
Na ka bynta ka post President, u samla Raymond Kharjana u la shah jied khlem jingïakhun pyrshah. Katba na ka bynta ka post General Secretary, u Reuben A. Najiar bad u Pynkmenlang Sanmiet uba aireng ia ka post Vice President ki la shah jied khlem jingïakhun pyrshah.
Ha ka jingïakhun na ka bynta ki post bapher bapher kum ki Assistant General Secretary, Organising Secretary, Education Secretary, Information and Publicity Secretary, Office Secretary, Sports and Cultural Secretary bad Environment Secretary.
Na ka bynta ka post Assistant General Secretary, ki kyrtong ki kynthup ïa u Pynshaiborlang Rani bad Melajied Khongbuh. Ha ka Organising Secretary, ki kyrtong ki long u Cleenstar Shabong, Samuel Shabong, Hopefulborn L. Mawnai bad Nangrikupar Malngiang.
Ha ka Education Secretary, kiba aireng ki long u Alerick Kharjana, Andrew Gary Dkhar, Nangshngainbha Lakiang, Robinnestar Nongrem bad Samuel L. Nonglait.
Na ka bynta ka Information and Publicity Secretary, ki kyrtong ki long u Pynshai Kupar Dkhar, Michael Mawa, Sandy Sohtun, Shelkitbok Kharbani bad Jeremiah Pohthmi.
Ha ka Office Secretary, ki kyrtong ki kynthup ïa u Wanmi-Shai-I Khongjoh, Dennyson Nongpluh, Edmund Marboh, Pyngshngainlang L. Lyngkhoi, Gary R Mawlieh, Mankhrawbok Marbaniang bad Wallamkupar Majaw.
Na ka bynta ka Sports and Cultural Secretary, ki kyrtong ki long u Eric Anthony Nongkynrih, Gerald Ford Langstieh, Kevin Nelson Wanrap bad Badonbok Malngiang.
Ha ka Environment Secretary, kiba aireng ki long u Kevin Phrangsngi Nongkynrih, Shiningstar Kharbihkhiew, Badonkupar Kharmalki, Samuel Kharbani, Welborn Nonglang, Pynbiangbor Kharsyntiew, Bankerlang Mukhim bad Basuklang N. Khongwar.
Ka Election Committee ka la khot bad kyrpad ïa ki dkhot jong ka seng ba kin wan ban pyndep ïa ka hok jong ki ha katei ka election kaban rai ïa ki nongïalam bathymmai jong ka seng na ka bynta lai snem ban wan.
Ïa kane ka kyrwoh la pyllait da u Bah Samuel B. Jyrwa, Secretary jong ka Election Committee.
