Shillong, Naitung 23: U General Secretary jong ka Khasi Students Union (KSU) Malki Circle u samla Andrew Gary Dkhar ha kaba ïadei bad ka jingkhynra ïa ki nongbylla bar jylla ki bym biang ïa ki kot ki sla.
Ha ka jingïakren bad ki lad pathai khubor hadien ba u samla Andrew u la mih na thanat, u President ka Seng u samla Ïashan Mukhim u la pynpaw ka jingsngewkhia halor ka jingkren jong u Myntri Rangbah ka jylla u Conrad Sangma uba ong ba kam don satia ka Work Permit ha kane ka jylla bad ong ba kane ka jingkren u Myntri Rangbah ka la pynshlur pynban ïa ki bar jylla ban wan seng kam sha kane ka jylla.
“Kane ka jingkren jong u Myntri Rangbah bym don Work Permit kan ailad ïa ki bar jylla ban wan sengkam bad kane ka pynshlur ïa ki bar jylla ban leh ruh ïa ki kam beaiñ khlem da bud ïa ki kyndon jong ka Sorkar ne ka KHADC bad kumjuh ruh ïa ki kyndon jong ki Dorbar Shnong,” u la ong.
Halor ka jingshah khot hajir jong u General Secretary ka seng, u la ong ba kane kam pynsmeij pyntieng ïa ki dkhot jong ka seng bad kane kan nang ai mynsiem shuh shuh ïa ka seng ba kan nangtrei shitom na ka bynta ka daw bah jong ka ri bad ka jaitbynriew.
