LEIT IA KYNDUH KA DR.AMPAREEN IA U BAH ARDENT, KYRPAD BAN SANGEH NOH KA JINGSHAH THNGAN

Shillong, Jymmang, 26: Ka Myntri sorkar jong ka jylla ka Dr.Ampareen Lyngdoh ka la leit ban ia kynduh ia u bah Ardent Miller Basaiawmoit ha ka step jong ka 26 tarik u Jymmang ha ka jaka shah thngan jong u ha Parking Lot ka Additional Secretariat. Ha kane ka jingleit ia kynduh ka Ampareen ka la kyrpad ia u bah Ardent ba un sangeh noh ka jingshah thngan jong u kaba la iaid mynta la saw sngi namar ioh ka ktah ia ka koit ka khiah jong u hynrei u bah Ardent u la jubab da kaba pynsngew sha ka sorkar lyngba jong ka kong Ampareen ba ka sorkar ka dei ban pynbeit thymmai noh ia ka Reservation Policy lym kumta un ym sangeh.