Shillong, Jylliew, 24: U Chief Executive Officer (CEO) ong ka Shillong Municipal Board ha ka Lah Sngi u Blei u la pyntip ba ka ophis kaba la ioh pdiang ia ka jingtip ba u don uwei u briew uba la khrong pisa da ka rusit thok kaba la shon ia ka kyrteng jong ka Shillong Municipal Board na ki nongdie madan ha kaba iadei bad ka jingpynrung kyrteng ia ki nongdie madan, ia kaba ka Town Vending Committee (TVC) lyngba kane ka ophis ia mynta ka dang pynlong ia ka jinglum kyrteng kum ki kyndon jong ka Meghalaya Street Vending (Protection of Livelihood and Regulation of Street Vending) Scheme, 2023.
U CEO u la pyntip ba kam shym la don satia kano kano ka jingshim pisa ban pynrung kyrteng da ka TVC. Ka ophis ka la ioh pdiang ruh ia ka dur jong u nongleh kam bymman bad ka rusit thok lyngba ka Whatsapp Group.
