Shillong, Nailur, 23: Wat hapdeng ka jingduh jingkyrmen ïa ka lawei badum jong ki samla kiba la ngop ha u drok, hynrei ha kum kane ka por la mih uwei u samla ïa uba la tip kyrteng kum u Wellkinstone Shadap uba la pynbna ba un ïaid kjat na ka jylla Itanagar jong ka Jylla Arunachal Pradesh ban ïalap pyrshah ïa ka jingshyrkhei jong u drok bad ban khot bad wer ruh ïa kito ki para samla kiba la im kyrni bad kiba la shah teh mraw ha ka jingdih drok ba kin pynthymmai noh ïa la ka jong ka jingim da kaba kiar noh na ki jingmlien ba sniew ba ki la im kyrni baroh shikatta.
Ha ka jingïakren bad ki lad pathai khubor ha ka 23 tarik u Nailur, 2024, u samla Wellkinstone Shadap u la ïathuh ba un sdang ïa kane ka jingïaid kjat naduh ka 30 tarik u Nailur, 2024 bad un ïaid 50 kilometer ha ka shi sngi da ka jingthmu ban pyndep tang hapoh phra sngi lait noh ha ka sngi u Blei.
