Shillong, Jymmang, 04: Ka kynhun ki Pulit ka Search and Rescue Team (SRT) ha ka sngi Saitjaiñ ka la ioh sei ïa ka met ïap jong u Prabodh Brahma uba la ngam jyllop Katba u dang jngi ha ka thwei Jingkieng Nar kaba don ha lynti ïaid kjat u David Scott ha Mawphlang ha ka sngi Thohdieng ha ka por kumba 2.20 baje noh sngi.
U Prabodh Brahma u dei u samla pule jong ka National Institute of Fashion Technology (NIFT), Shillong u la duhei ïa la ka jong ka jingim hadien u la ngam jyllop ha kane ka thwei katba ma u lem bad saw ngut ki paralok ki la leit jngi ha kane ka thwei.
Katkum ka jingtip ba la iohlum, la ïathuh ba u Brahma u la leit ïaid kjat bad ka kynhun jong ki samla pule ka NIFT sha lynti David Scott bad dei ynda la poi ha kane ka thwei ma u bad ki paralok ki la ïa jngi bad kumno re kumno une u samla ula ngat pynban ha ka sni jong ka jingïap.
U Prabodh Brahma u dei na ka shnong krokrajhar, Assam bad ki Pulit ki la pynkit noh ïa ka met jong u sha Shillong Civil Hospital na ka bynta ban leh ïa ka Postmortem shwa ban aiti sha ki bahaïing hasem ban pyndep ïa ka jinglehniam bakhatduh.
