Shillong, Nailur, 12: U Myntri ka Sorkar Jylla uba khmih ïa ka tnat Housing u Marcuise N. Marak u la pyntip ba ka tnat ka la pan ïa ka thup jong ki nongïoh bhah ba manla u snem hapoh ka Chief Minister’s Housing Assistance Programme.
Lyngba ka CMHAP la sam ïa ki tin sop ing kiba neh na ka bynta 3 song na ka bynta uwei u nongïoh jingmyntoi ban pynbha ïa ki ïing jong ki na ka bynta kiba kham duna ka ïoh ka kot.
Ka tnad ka la bthah ïa ka ophis jong u District Housing Officer/Inspector of Housing ban lum ïa ka thup kyrteng jong ki nongïoh jingmyntoi kaba shi snem, kumba la ïoh na ki Community & Rural Development (C&RD) Block bapher bapher,” ong u Marak ha ka jubab kaba la wanrah ha ka ïingdorbar ha ka sngi Thohdieng.
“Kane ka jingthmu ka thmu ka long ban thaw ïa ka jingbuh jingtip kaba bniah bad kaba lah ban ïoh ïa ki jingtip ba kongsan jong ki nongïoh jingmyntoi. Ïa ki jingtip ba la lum yn sa pynbiang katkum ka jingdonkam ynda ladep nadong shadong,” u la bynrap.
