Shillong, Lber, 22: Ka Meghalaya Human Rights Commission (MHRC) ka la bthah ia ka Meghalaya Power Distribution Development Corporation Ltd (MePDCL) ban siew bailutksan sha ki san ngut ki thei iap lok kiba la duh noh ia la ki jong ki kurim na ka jingshah bat ha ka bording elektrik kaba la jia ha ka shnong Manikganj, North Garo Hills District ha ka 25 tarik, Naitung, 2018.
U Secretary ka Commission u la iathuh ba ka Commission kaba kynthup ia ki dkhot, Kong B Giri bad u Bah PJ.P Hanaman ki la shong bishar ia kane ka kam ha Tura naduh ka 19 tarik haduh ka 21 tarik Lber, 2024 ban pynkut noh ia kane ka case kaba iadei bad ka jingpynkhein ia ka hok longbriew ba la ujor hakhmat ka Commission.
Ka Commission ka la lah ban pynthikna ba dei ban siew ia ka bailutkan ba kot T. 1, 00,000 lak na ka Meghalaya Power Distribution Development Corporation Ltd (MePDCL) sha ki san ngut ki thei iap lok ba ki kurim jong ki, ki la duhei ia la ka jong ka jingim na ka jingshah bat bording elektrik.
Ia ka bailutksan la mang ha ka 11tarik, Rymphang, 2019 bad kane ka bailutksan ym pat shym la lah satia ban siew. Dei lyngba ka jingshimkhia jong ka Commission, ki nongioh jingmyntoi, kiba dei na ka jylla Assam, la lah ban ithuh lyngba ki lad pathai khubor ba la pynmih ha ka jylla Assam bad ia ka pisa bailuktksan la lah ban siew sha ki thei iap lok ha ka 20 tarik, Lber, 2024 ha Tura.
Ia ka bailutksan la siew sha ki lanot ba la shah bat bording la kyntiew sha ka T. 2, 50,000 lak naduh ka 22 tarik, Naitung, 2020.
