Shillong, Jylliew, 25: Ka North-Eastern Hill University (NEHU) ha ka sngi Baar ka la pynbna ia ka result jong ka elekshon ba la jied ia ki nongkitkam ba thymmai jong ka North Eastern Hill University Students Union (NEHUSU) na ka bynta ka samoi treikam jong u snem 2024-20225.
Ia ka kyrteng jong ki nongjop kiba iakhun ia ka elekshon la pynbna da ka Office jong ka Election Commission ha kaba u samla Sandy Sohtun, u samla pule 4th na ka Adult & Continuing Education department, u la shah jied kum u President, u samla Rikideiburom Rabon u samla uba dang pule 2nd Semester na ka Envionmental Science u la shah jied kum u Vice President, u samla Toniho S Kharsati na ka Law Department u la shah jied kum u General Secretary, ka sala Eva Kordor Kharshandi na ka English department ka la shah jied kum ka Assistant Secretary, u samla Ymphaidien Sutong na ka IT Department u la shah jied kum u Finance Secretary.
Shuh shuh kiwei pat ki samla kiba la shah jied kum ki nongkitkam ki kynthup ruh ia u samla Ymphaidien Sutong kum u Finance Secretary, u samla Banskhemlang Marwein kum u Academic Secretary, u samla Sooki Syrti kum u Sports Secretary, ka samla Edna Callista Kharsyntiew kum ka Socio & Cultural Secretary ka samla Naphisabet Marwein kum ka Publicity Secretary bad u samla Bashankur Buhroy kum u Editor.
