Shillong, Nohprah, 22: Ka shnong Kharang, kaba hap hapoh ka Mawkynrew Community and Rural Development Block ha ka sien kaba ar kan sa pynlong biang ia ka jingiakob ñiah kali bulbering na ka bynta ka kynhun jong ki shynrang bad ka kynhun jong ki kynthei.
Ha ka jingiakren bad ki lad pathai khubor, u General Secretary jong ka Kharang Sports and Social Welfare Club (KSSWC) Bah Badonnam Kharbihthai u la iathuh ba ia kane ka jingiakob niah kali bulbering yn sa pynlong ha ka 20 tarik, Kyllangkot, 2024.
Ka khusnam na ka bynta ki shynrang kan long T. 30 hajar ia ka kynhun lahduh, T. 20 hajar ia ka kynhun kaba wan baar bad T. 10 hajar ia ka kynhun kaba wan balai.
Katba ka khusnam na ka bynta ki kynthei ka long, T. 10 hajar ia kiba iohrah ia ka nam lahduh, T. 5 hajar ia kiba wan baar bad T. 3 hajar ia ka kynhun kaba wan balai.
Kan sa don ruh ka khusnam ba kyrpang ban ai sha ka kali bulbering kaba la shna itynnat ha kane ka jingiakob.
