Shillong, Nohprah, 21: Ka Bouncer Association of Meghalaya ha ka sngi Palei ka la pynkut noh ïa ka Shillong Arm Fight 2023, All India Arm Wrestling Championship kaba ar sngi lynter kaba la long ha u Soso Tham Auditorium ha kaba la iashim bynta da ki nongïalehkai na kylleng ka Ri.
Ia kane ka rynsan iakob iakhun kti ba la pynlong da ka People’s Federation of Arm Wrestling India (PFAWI) ryngkat ka jingïatreilang bad ka Bouncer Association of Meghalaya (BAM) lem bad ka Treilang Welfare Society (TWS) da ka jingkyshan jong ka tnat Sports and Youth Affairs jong ka Sorkar Jylla la sakhi lang da u Myntri Rangbah ka Jylla u Conrad K. Sangma.
Ha ka result jong ka jingiakob ki shynrang, u Dipankar Mech na Assam u la ïoh khur ïa ka nam Champion of the Champions, katba ha ka liang jong ki kynthei la ioh rah da ka Yogesh Choudhury na Haryana.
Ha kane ka jingiakob la pynïakhun ruh ïa kiba don jingduna ha ki dkhot met ha ka sitting category ha kaba u Hubert L. Nonglait u la jop ia ka kyrdan banyngkong, u Graham Jones Kharbani ia ka kyrdan kaba ar bad u Name Nangsan Kupar K.Warjri ha ka kyrdan ba lai. Ha ka standing category u Johnborlang Pyngrope, u Nihi Lamare bad u Marelad Kanai ki la ioh khur ïa ka jingjop. Kiwei pat ki nongjop ki long u Daniel Nongkhlaw, u Hubert Paliar bad u Banshanlang Terang ha ka jingiakhun kaba 55 kilo. U Nilay Sankar, u Razedul Ali bad u Revel Born Star Snaitang ha ka kyrdan kaba 65 kilo. U Deepankar Mech, u Jackson Lyngdoh bad u Alexion Roy Mylliem Umlong ha ka kyrdan kaba 75 kilo; u Tridip Medhi, u Alan S Marbaniang bad u Kishore Chettri ha ka kyrdan kaba 85 kilo. U Bakham Maian Khongwir, u Banbatjuban Khongwir bad u Ishan Kashyap ha ka kyrdan kaba 85 kilo shaneng.
Haba phai pat sha ka liang jong ki kynthei, ka Angelis Kharumnuid, ka Airikmen Shabong bad ka Milartita Lyngdoh Nongbri ki la jop ha ka kyrdan kaba 50 kilo. Ka Bandarika Kharkongor, ka Senebi Syngkli bad ka Angel Mary Mylliem Umlong ki la jop ha ka kyrdan kaba 55 kilo. Ka Wandalin Syiemiong, ka Payal Bhommik bad ka Olivia Dkhar ha ka kyrdan kaba 60 kilo. Ka Margareth Pathaw, ka Aiboklin Rina bad ka Yimri Jagoi ki la jop ha ka kyrdan kaba 65 kilo. Ka Yogesh Chaudhury, ka Soram Rani bad ka Ribasuk Lyngdoh Mawphlang ki la jop ia ka kyrdan kaba 65 kilo shaneng.
