Shillong, K’lyngkot, 16: Kitrai jaka ryngkat ka jingsynran lang jong ki dkhot ka Khasi Students Union (KSU) South Khasi Hills Unit ha ka Lah Sngi u Blei ki la leit ban pynpra ia kawei ka dukan jong ki bar jylla kaba don ha ka shnong Mawbang, kaba don ha khappud bad ka ri Bangladesh.
Ka kong Krisidian Nongtraw na ka shnong Byrong, Wahlong Sirdarship ka la kam ba kane ka jaka kaba don ha Neng Hat Mawbang ka dei ka jaka jong ka bad ka la ong ba ki briew kiba shong ha ka jaka jong ka ki shna ia ka dukan khlem da ioh jingbit na ka kum ka trai jaka.
Ka la iathuh ba kham mynshuwa ka ladep khang ia ki hynrei ki la byrngem ban mait da ka wait kumta ka ialam da ki dkhot jong ka KSU ban synran ia ka ban pynpra ia kane ka dukan.
Shwa ban pynpra ia ka dukan bad sei ia ki mar ki mata shabar, ka la mih ka jingiapyni nia kaba jur bha hapdeng ki ar liang mamla hynrei ki dkhot jong ka KSU bad u khun jong ka trai jaka kim shym la pynsngap bad ki sei ia ki tiar shabar, ki la pynpra bad lied syndon ia kane ka dukan.
