Shillong, Naitung 03: Ka North East Small Finance Bank (NESFB) ka la pynbna ban pynrung kam ïa ki briew kane ka thaiñ shatei lammihngi hapoh kane ka Bank kumba 200 ngut ha u Nailur 2024.
Kane ka jingkhot thung kam kan long ha kine ki shnat treikam, Guwahati, Lakhimpur, Nalbari, Tezpur, Jorhat, Diphu, Dibrugarh, Kokrajhar, Kamrup, Shillong, Siliguri, Agartala bad Aizawl. Kane ka long ba ka bank kan ai kam ai jam ha kane ka thaiñ.
Ha kane ka jingkhot thung kam kaba nyngkong ka jingkhot thung kam kan long na ka bynta ki ar tylli ki kyrdan ha baroh kitei ki shnat trei kam ki long “Relationship Officer – Assets” bad “Relationship Officer – Liabilities” kin kham pynshlur ïa kiba la pass degree bad kiba la trei teng laisnem ha ki kam bank.
Ka thong jong ka NESFB ka long ban kyntiew kumno ban kynshew pisa, ban pynmih ki lad ïohkam ban kyntiew ïa ka ïoh ka kot ha North East bad ka Bank ka don ka jingthmu ban pynbun ïa ki nongtreikam jong ka bad kaba kham kyrpang ka long ïa ki samla na kato ka jaka.
U Satish Kumar Kalra, MD bad CEO ka NESFB, la ong ba u burom ïa ka sap ka phong ba ki samla kane ka thaiñ ki don bad ki don ruh ïa ka sorkar ka kyrpang ban trei ha ki kam katkum ka thong ka jong ki kaba long ban kyntiew ïa ka ïoh ka kot bad kane ka long ka thong kaba kin sa pyntreikam ha kine san snem ban wan.
