Shillong, Naiwieng, 02: Ki shipai Border Security Force (BSF) bad ki Pulit jong ka East Khasi Hills District ki la ïohkem ar ngut ki mynder Bangladeshi bad u wei u nongñiah kali uba dei nong India na khappud Bangladesh katba u dang pynrung beaiñ ïa kine ki arngut ki mynder sha u pud u sam jong ka ri India ha ka thaiñ Pynursla, East Khasi Hills District.
Da ka jingïatreilang jong ki Pulit bad ki shipai BSF ha ka sngi Thohdieng, ki la ïoh ban kem arngut ki khar Bangladesh kiba la rung sha India hadien ba la pyntip mardor sha ki Pulit jong ka Pynursla Police Statoin ba ka don ka kali kaba kit ïa ki mynder Bangladeshshi.
Ha kane ka jingkhynra ki la ïoh bat ïa ka kali Wagon-R kaba don ïa u number ML-05AC-1946 ha surokbah NH-6 harum Pynursla. Ki Pulit ki la kem ïa ki ar ngut ki mynder Bangladeshi bad ïa u nong India uba niah ïa ka kali ba la suba dei u nong pynrung tuh.
Ki shipai BSF bad ki Pulit ki la kurup ïa ka kali bad ka jingtohkit ïa kine ki lai ngut mynta ka dang ïaid shakhmat.
