Shillong, K’lyngkot, 22: Da ka jingiatrei lang bad ka Dorbar Shnong Laitumkhrah lem bad ki tnad treikam ka Sorkar Jylla ka MLA jong ka Laitumkhrah Constituency ka Dr. Ampareen Lyngdoh kaba long ruh ka Myntri jong ka Sorkar Jylla ka la lum ia ka jingialang ban ia pyrkhat halor ka jingpynkhreh ban pynkynriah ia kiba die madan ha ka shnong Laitkumkhrah, Shillong sha kawei pat ka jaka ban lait na ka dkheng kali, khamtam eh hadien ba la plie ki skul hapoh ka shnong Laitumkhrah.
Ha ka jingiakren bad ki lad pathai khubor, ka Dr. Ampareen Lyngdoh ka la ong, lada ka iaid beit kumba la thmu yn sa lah ban pynkynriah ia ki nongdie madan hapoh ka shnong Laitumkhrah.
Ka la ong ruh, hapdeng ka 10 tarik haduh 15 tarik yn sa phah da ka shithi ban pynkynriah ia ki nongdie madan naduh Police Point shaduh Beat House khnang ban pynsuk ia ki nongleit nongwan haba iaid lynti ha Laitumkhrah.
