Shillong, Lber, 14: U Myntri Rangbah ka jylla Meghalaya u Conrad Kongkal Sangma u la shah jied ban shimti biang kum u National President jong ka National Peoples’ Party ha ka jingpynthymmai ïa ki nongkitkam kaba la long ha Constitutional Club of India, ha New Delhi ha ka sngi Saitjaiñ.
U Conrad u la shah jied biang ban ïalam ïa ka party na ka bynta ka samoi treikam jong u snem 2025-28 katba State Working President bari jong ka jylla Arunachal Pradesh u Paknga Bage u la shah jied ban shimti kum u General Secretary (Organisation), ka Dr. Mehtab Agitok Sangma ka la shah jied kum ka National Treasurer.
U Bah Prestone Tynsong uba long u State President jong ka NPP Meghalaya bad u State President jong ka jylla Manipur u Joy Kumar Singh ki la shah jied kum ki National Working President jong ka paty bad ha kajuh ka por la ai jingmut ruh ba General Secretary (Organisation) barim u James K. Sangma un shimti kum u National Working President.
UConrad Sangma u la pynbna ruh ba ki dkhot jong ka National Committee na ka bynta u snem 2025-28 yn sa pynbna noh shen.
