Shillong, Nohprah, 17: Kum ka jingpynkhreh ïa ka jingrakhe kynmaw burom ïa ka jingwan longbriew jong u Khunlung Jisu sha kane ka sla pyrthei, ka St. Joseph’s Church, Mawkhar Parish ryngkat ka jingïatreilang bad ka Lam Jingshai Choir, ka Prayer Group, lyngba ka jingkyrshan ba ratbah ki Lyngdoh Sohblei jong ka Parish, ki pynlong ïa ka Christmas Carol mynta u snem ha ka sngi U Blei.
Ha kane ka jingïaid Carol ka la long kaba kham kyrpang mynta u snem namar hapdeng ka jingïaid ha ki surok ha ryngkat ki jingrwai bad ki jingduwai ba riewblei ba ka jingwan u longbriew jong u Jisu Khrist ha ka dur jong u khyllung Jisu, un wanrah ka jingsuk, ka jingkmen bad ka bha ka miat bad khamtam eh ba ka jingngeit kum ki khun Khristan kan nangrhem bad khlaiñ shuh shuh.
Ïa kane ka jingïaid Carol ka la long kaba kham phylla namar la don ka jingkit lang ïa ka Shyngoid hapoh ka kali, ka jingdon ki khynnah kiba riam kum ki Riewstad bad kiwei kiwei de ki jingpynitynnad. La sdang ïa ka jingïaid Carol phyllaw jong ka ingmane bad ïaid ter ter sha Jaïaw Lansonalane, nangta sha Chapel Road, sha Jaïaw Pdeng nangta la pynkut biang ha Parish da ka jingïakmen lyngba ka Christmas Concert kaba lyngkot.
La sdang ïa kane Christmas Carol da ka jingduwai na u Parish Priest u Rev. Fr. Teibor Lyngdoh bad la pynkut pat da ka jingduwai bad jingïadih sha lang.
