Shillong, Risaw 08: Ka long ka burom ïa ka 61 Meghalaya Girls Bn NCC kaba hap hapoh ka NCC Group Head Quarter Shillong hadien ba ka samla Rifiness Warjri ka la shah jied ban leit kiew ïa u lum Everest ïa kaba la tip kum ka NCC Mount Everest Expedition 2025.
Ka Rifiness Warjri kaba dei ka dkhot jong ka NCC St Anthony’s College, Shillong dang shen ka la poi ha syntai lum jong u lum Abi Gamin bad dei tang ma kaba la shah jied na ki dkhot ka NCC jong ki hynñiew tylli ki jylla jong ka thaiñ Shatei Lammihngi.
Kane ka jingjop jong ka, ka la long ruh ka jingai mynsiem ïa ki dkhot ka NCC na ka thaiñ shatei lammihngi bad kane ka kren shai ïa ka jinglah jong ki samla na kane ka thaiñ Shatei Lammihngi.
