Shillong, K’lyngkot, 10: Ki shipai 4th Battalion Border Security Force (BSF) ha ka sngi Balang ki la ïoh bat ia kawei ka kali kaba kit ia ka shini ba la thmu ban shalan tuh sha ka ri Bangladesh bad ïoh bat ia ki arngut ki nong India hajan Lyngkhat kaba don ha khappud jong ka East Khasi Hills District, Meghalaya bad ka ri Bangladesh.
Lyngba ka jingtip ba bniah ba la ïohlum na ki tnat syntiat, ki shipai BSF kiba la ap ktem ki la ithuh ia ka kali bad ki la bat noh ia kane ka kali kaba kit ia ka shini hadien ba u nongñiah kali bad u nongbud kim shym la lah ban pyni ia ki kot ki sla kiba biang ban kit ia ka shini.
Ia ka shini ba la ïoh kurup la aiti noh sha ki Pulit na ka bynta ban leh ia kaba donkam.
