Shillong, Naiwieng, 12: U Nongïalam jong ka Liang Pyrshah u Dr. Mukul Sangma uba dei ruh u MLA jong ka Trinamool Congress ha ka 12 tarik u Naiwieng, 2024 u la mudui sha u Returning Officer uba khmih ïa ka bye elekshon jong ka Gambegre Constituency halor ka jingshah kynnoh ba u donkti ban ktah kti ïa u Fourthlight Ch. Marak.
U Dr. Mukul ula pyntip ruh ba ïa ka video ba la pynsaphriang ha ka rynsan jong ka social media la phah sha u da da ki dkhot ka party ïa kaba la thep ha ka Facebook Page jong u Andresh Chambugong Marak ha kaba u Fourthlight Ch. Marak u la kynnoh ba u Dr. Mukul u la ktah kti ïa u ha ka por mynstep.
Ha ka jingujor u Dr. Mukul u la dawa ïa ki bor jong ka ain ban pynlong ïa ka jingtohkit kaba bniah bad ban pynshitom ïa kiba donkti ban pynsaphriang ïa ka video ka la shu shna da ka jingthmu ba sniew.
